Breathwork & Gesondheet

Loft a Sauerstoff spillen eng wichteg Roll fir gesond ze bleiwen a Krankheeten ze behandelen.
 

Leider ass bewosst connectéiert Ootmung (Breathwork) an der breeder Ëffentlechkeet nach onbekannt, gëtt ënnerschätzt an nëmme sielen an de Medien thematiséiert. Leit aus dem Gesondheetssecteur an Dokteren erkennen allerdéngs seng extreem positiv Auswierkungen op den Heelungsprozess vu ville Pathologien.

Positiv Wierkunge vum Breathwork oder connectéiert bewosst Ootmen op kierperlechem, mentalem an emotionalem Niveau: 
 

​
Kierperlech Virdeeler

 

Eliminéiert Toxinnen: Duerch Breathwork ass et méiglech, 70% vun den Toxinnen an eisem Kierper fräizesetzen an e méi gesonden Organismus ze fleegen. 20% vun den Offallprodukter vun eisem Organismus ginn iwwer d'Haut eliminéiert, 7% iwwer den Urin an 3% iwwer de Stull.

 

Verbessert d’Otemkapazitéit : Eng déif a bewosst Ootmung fërdert eng besser Loftzirkulatioun am Kierper.

 

Verbessert d'Ausdauer, d'Kraaft an d'Energie vum Kierper: Déi connectéiert bewosst Ootmung kënnt aus dem Bauch. De Bauch gëtt agesat, fir déif Anootmungen ze erreechen, an esou d'Muskele besser mat Sauerstoff ze versuergen. Dës Otemtechnik stäerkt d'Otemmuskulatur an erhéicht d'Longekapazitéit.

Et däerf een net vergiessen, dass d'Ootmung 70% vun eiser Energie ausmécht.

 

Korrigéiert d'Kierperhaltung: Dës Approche vun der Ootmung korrigéiert net nëmmen d'Positioun vum Broschtkuerf, mee och déi vum Réck, de Schëlleren an dem Genéck.

 

Fërdert d’Verdauung

Stäerkt d’perséinlech Autonomie
Des Praxis hëlleft dobäi, e bewosst Verhältnis zu den eegene Gewunnechten, Automatismen a Bedierfnisser ze entwéckelen, an hëlleft fir Entscheedungen ze treffen, déi besser bei ee passen – wéi z.B. e gesonde Liewensstil unzehuelen oder e moderéierte Konsum vun Alkohol – fir méi kloer an ausgeglach virunzekommen.

 

Verbessert d'Schlofqualitéit: Breathwork reduzéiert Stress an Angschtzoustänn, déi dacks eise Schlof stéieren.
 

​

 

Mental Virdeeler

​

Hëlleft, emotional a mental Spannungen ofzebauen
Breathwork schaaft eng Auszäit vum Alldag, e Raum, fir sech z’entschleunegen an sech nees ze zentréieren. Et fërdert e Gefill vu Rou, ënerer Kloerheet a Geloossenheet a féiert zu engem bessere Selbstbewosstsinn an déifgräifenden Lassloosse.

 

Entwéckelt d'Selbstvertrauen: D'Zirkulatioun vum Otemfloss un der Basis vun eisem Kierper an eng deeglech Praxis doheem steigert d'Selbstvertrauen, befreit eis vun Ängschten an aschränkenden Iwwerzeegungen, déi de Geescht belaaschten, an erméiglecht eis, eis mat eisem ënnerlechen Ech ze verbannen.

​

​

Emotional Virdeeler

​

Eliminéiert emotional Blockaden, déi am Onbewosste verstoppt sinn: Breathwork ass eng Erfarung, déi staark Emotioune wéi Angscht, Roserei oder Trauer transforméiert a fräisetzt.

Duerch d'Ootmen op Plazen, wou den Otem net méi oder nëmme nach liicht zirkuléiert, an andeem een entspaant amplaz sech unzespanen, setzt ee progressiv déi am Kierper blockéiert a gespäichert Emotioune fräi an et kann een esou d'Gewiicht vu bestëmmten Traumae lassginn.

 

Fërdert en allgemenge Wuelbefanne 
Bewosst, déif Ootmung kann den emotionalen Zoustand verbesseren, dat Gefill vu Freed an Oppenheet verstäerken an eng authentesch Verbindung zu sech selwer an anere fërderen.
 

​

​

Wat si iwwer de Breathwork gesot hunn: